Margar mýtur eru í gangi um hvað sé hægt að gera til að koma biluðum hörðum diskum í gang aftur. Því miður eru flestar þeirra ónothæfar og munu bara gera endurheimt gagnanna mun erfiðari og dýrari eða jafnvel ómögulega! Vítin eru til að varast þau:

  • Ekki undir neinum kringumstæðum skulu þið reyna að opna diskinn sjálf til þess að laga hann. Venjulegt andrúmsloft, rykkorn, hár, fingraför o.s.frv. eyðileggja innviði disksins og gera endurheimtingu gagna nær ómögulega.
  • Ekki setja diskinn í frysti. Þegar diskurinn er tekinn úr frysti, myndast raki inn í honum og skemmir hann. Kuldi hefur ekkert að gera með að bjarga gögnum af hörðum diskum.
  • Ekki banka í diskinn þegar það smellur í honum eða berja honum í vegg eða borð. Það eina sem getur gerst er að hann versnar og getur svona bank valdið yfirborðsskemmdum.
  • Varist að nota CHKDSK í Windows, eða reyna að bjarga gögnunum með ókeypis hugbúnaði af netinu. Það gerir yfirleitt illt verra.

Datatech.is er eina fyrirtækið á Íslandi sem sérhæfir sig í gagnabjörgun og býr raunverulega yfir sérhæfðum tækjum ásamt mikilli þekkingu og reynslu í faginu. Varist að fara með diska í gagnabjörgun til venjulegra tölvuverkstæða þar sem engin þekking eða sérhæfður tækjabúnaður er til staðar.