Lentir þú í gagnatapi?

Fyrsta skrefið er að stofna þjónustubeiðni

Fylltu út eyðublaðið hér fyrir neðan og veldu hvernig þú kemur búnaðinum til okkar. Við byrjum á að bilanagreina búnaðinn og sendum þér svo tilboð í gagnabjörgun. Í neyðartilfelli velur þú neyðarþjónustu og kemst þá fremst í röðina.

Upplýsingar

Þú getur haft samband við okkur á eftirfarandi hátt. Við svörum öllum fyrirspurnum eins fljótt og auðið er.

Sími

571-9300

Símatími virka daga 8:00–16:00

Opnunartími móttöku

Virka daga 10–18, laugardaga 11–15

Sendu okkur þjónustubeiðni

Móttaka verkefna í Reykjavík er hjá Pixlum, ljósmynda- og prentþjónustu.

Suðurlandsbraut 54, 108 Reykjavík (sjá kortið hér að neðan)

Spurt og svarað

Spurt og svarað

Finndu svör við algengum spurningum um gagnabjörgun og þjónustu okkar.

Datatech er eina fyrirtækið á Íslandi sem sérhæfir sig í gagnabjörgun. Við höfum starfað í faginu síðan í apríl 2012 og höfum bæði tækjabúnað og þekkingu til að klára málin á Íslandi. Epli, Advania, Elko, Origo, Opin kerfi, Tölvulistinn og Computer.is treysta okkur fyrir gögnum viðskiptavina sinna og vísa þeim til okkar þegar bjarga þarf dýrmætum gögnum. Sérfræðingar okkar hafa meira en 22 ára starfsreynslu af flóknum gagnabjörgunarverkefnum. Veldu trausta aðila með þekkingu og raunverulega reynslu í faginu til að endurheimta gögnin, því fyrstu aðgerðir skipta öllu máli. Ef óreyndir aðilar reyna að bjarga gögnunum er hætta á að þau tapist öll, og við höfum séð mörg dæmi um það.
Kostnaðurinn fer eftir því hvað er að búnaðinum. Gerðir gagnageymslna eru fjölmargar og því þurfum við að bilanagreina búnaðinn, athuga hvort þörf er á varahlutum og meta hve margar vinnustundir verkið tekur, út frá reynslu af sambærilegum verkefnum. Að því loknu sendum við fast tilboð í gagnabjörgun. Ef tilboðinu er hafnað innheimtum við gjald fyrir vinnu við bilanagreiningu samkvæmt verðskrá. Ef tilboðið er samþykkt gætum við óskað eftir innborgun ef panta þarf varahluti.
Við bilanagreinum búnaðinn og sendum þér nákvæma skýrslu um líkur á endurheimt gagna ásamt verðtilboði í gagnabjörgun. Við notum búnað frá ACE lab, DeepSpar og HddSurgery, sem eru frumkvöðlar í gagnabjörgun og leiðandi í faginu á heimsvísu.
Erfitt er að segja fyrir fram hve langan tíma verkefni tekur því þau eru mjög misjöfn. Þú getur valið um hefðbundinn forgang, hraðþjónustu eða neyðarþjónustu. Hrað- og neyðarþjónusta flýtir ekki sjálfri gagnabjörguninni heldur byrjum við fyrr á verkefninu en í venjulegum forgangi. Verkefni í venjulegum forgangi eru unnin í þeirri röð sem þau berast. Algengt er að byrjað sé á verkefni 5 dögum eftir að Datatech eða samstarfsaðili tekur við búnaðinum.
Ef tölvan les ekki diskinn skaltu slökkva strax á henni, eða á disknum sjálfum ef hann er utanáliggjandi, og taka hann úr sambandi. Ekki gera neinar tilraunir og ekki sækja ókeypis hugbúnað af netinu. Oftast er um vélbúnaðarbilun að ræða. Þá gerir hugbúnaður ekkert gagn og getur beinlínis valdið frekari skemmdum. Besta leiðin til að bjarga gögnunum er að koma strax með diskinn eða tölvuna í heilu lagi til okkar. Fagmenn okkar hafa meira en 22 ára starfsreynslu, þekkja allar mögulegar bilanir í SSD-diskum og hörðum diskum og vita hvernig best er að endurheimta gögnin á öruggan hátt.
Þegar gagnabjörgun er lokið færðu skráarlista á HTML-sniði sem þú getur skoðað í hvaða vafra sem er. Hann sýnir öll gögnin sem tókst að bjarga og staðfestir að gagnabjörgunin hafi tekist. Gögnin eru afhent á nýjum flakkara sem þú getur keypt hjá okkur eða á þínum eigin. Ef gagnamagnið er lítið (undir 100 GB) getum við sent gögnin rafrænt.
Það kemur fyrir að gagnabjörgun reynist ómöguleg. Sem dæmi geta nýir leshausar skemmst við lestur vegna örfínna skemmda á yfirborði diskanna. Síðustu 12 mánuði tókst okkur að bjarga gögnum í 93% þeirra verka þar sem tilboð var samþykkt, svo líkurnar eru góðar. Við komum hreint fram frá byrjun og segjum þér í tilboðinu hvaða líkur við teljum á góðri endurheimt. Ef þú hefur fengið tilboð í gagnabjörgun og verkefnið tekst ekki færðu 50–70% afslátt af vinnu við gagnabjörgun* eftir tegund búnaðar, en greiðir einnig fyrir varahluti sem keyptir voru.
Við fáum reglulega snjallsíma og fartölvur sem hafa lent í vökva eða raka. Ekki reyna að kveikja á tækinu eftir slíkt óhapp. Þá fer rafstraumur um tækið og getur leitt þangað sem hann veldur frekari skemmdum. Kostnaðurinn er misjafn en þetta eru erfiðustu verkefnin sem við tökum að okkur. Reikna má með að lágmarki 10 vinnustundum fyrir fartölvu eða snjallsíma. Einnig skiptir máli hvers konar vökvi fór yfir búnaðinn. Við metum því hvert mál fyrir sig og gerum fast verðtilboð eftir skoðun.
Allir viðskiptavinir geta sent búnað til okkar frítt. Þú stofnar þjónustubeiðni og velur að senda búnaðinn með Íslandspósti. Á næstu síðu skráir þú heimilisfangið og færð sendingarnúmer hjá Póstinum og strikamerki. Pakkaðu búnaðinum vel inn og farðu með hann á næsta pósthús. Þar skannar þú strikamerkið við færibandið og þá prentast út merkimiði sem þú límir á pakkann.
Við vinnum eftir strangri öryggisstefnu sem er yfirfarin á hverju ári og vinnum að því að fá ISO 27001 öryggisvottun. Allir starfsmenn og samstarfsaðilar Datatech eru bundnir þagnarskyldu gagnvart þjónustukaupanda og ber að gæta fyllsta trúnaðar um gögn og málefni sem þeir fá vitneskju um hjá honum. Þagnarskyldan gildir bæði innan og utan fyrirtækisins og helst þótt starfsmaður láti af störfum hjá Datatech. Datatech afhendir þriðja aðila aldrei upplýsingar um viðskiptavini eða persónuleg gögn þeirra. Gagnageymslur Datatech eru ónettengdar, dulkóðaðar og með strangri aðgangsstýringu. Aðeins tæknimaðurinn sem vinnur að málinu hefur aðgang að þeim og aðeins á meðan á vinnunni stendur. Gögnum er eytt varanlega sjö (7) dögum eftir að þau eru afhent þjónustukaupanda. Öll tilboð og samningar eru trúnaðarmál milli Datatech og þjónustukaupanda.