Question 1

Af hverju Datatech?

Accepted Answer

Datatech er eina fyrirtækið á Íslandi sem sérhæfir sig í gagnabjörgun og hefur verið starfandi í faginu í yfir 13 ár og býr yfir sérhæfðum tæknibúnaði og þekkingu til að klára málin á Íslandi. Epli, Advania, Elko, Opin kerfi og Tölvulistinn treysta okkur fyrir gögnum sinna viðskiptavina og  vísa þeim til okkar þegar þarf að bjarga dýrmætum gögnum.
Sérfræðingar okkar hafa yfir 22 ára starfsreynslu í úrlausn flókinna gagnabjörgunar verkefna. Mikilvægt er að velja trausta aðila með þekkingu og raunverulega reynslu í faginu til þess að endurheimta gögnin þín þar sem fyrstu aðgerðir skipta öllu máli og hætta er á 100% gagnatapi ef óreyndir aðilar reyna að bjarga gögnunum,  en við höfum séð mörg dæmi um það.

Question 2

Hvað kostar gagnabjörgun?

Accepted Answer

Kostnaður fer eftir því hvað er að búnaðinum og þar sem það eru til fjölmargar tegundir og gerðir af gagnageymslu miðlum þurfum við að bilanagreina búnaðinn, athuga hvort þörf sé á varahlutum eða ekki,  meta hversu margar vinnustundir munu fara í verkefnið (út frá reynslu af sambærilegum verkefnum sem við höfum unnið). Að því loknu getum við sent fast tilboð í gagnabjörgun.  Sé tilboði í gagnabjörgun hafnað er gjald innheimt fyrir vinnustundir við bilanagreiningu skv. verðskrá. Ef tilboðið er samþykkt, færðu mögulega beiðni um innborgun ef þörf er á að kaupa panta varahluti.

Question 3

Hvernig fer bilanagreining fram?

Accepted Answer

Við bilanagreinum búnaðinn og sendum þér svo nákvæma skýrslu sem greinir frá áætluðum líkum á endurheimt gagna og verðtilboð í gagnabjörgun. Við notum gagnabjörgunarbúnað frá Acelab, Deepspar og HDD Surgery sem eru frumkvöðlar í gagnabjörgun í heiminum og leiðandi í þessum bransa.

Question 4

Hversu langan tíma tekur gagnabjörgun?

Accepted Answer

Það er erfitt að giska fyrirfram á hvað verkefnið muni taka langan tíma, verkefnin eru mjög misjöfn.  Þú getur hinsvegar valið um hefðbundinn forgang, hraðþjónustu eða neyðarþjónustu.  Þó þú veljir hrað eða neyðarþjónustu þýðir það ekki að vinna við sjálfa gagnabjörgunina gangi hraðar, heldur verður aðeins byrjað á verkefinu þínu fyrr heldur en ef þú velur venjulegan forgang. Verkefni í venjulegum forgangi eru tekin í röð sem þau berast og algengur biðtími er 5 dagar þar til byrjað er á verkefinu frá því að búnaður er móttekin af Datatech eða samstarsaðilum.

Question 5

Hvað á ég að gera ef harður diskur eða flakkari svarar ekki eða kemur ekki fram í stýrikerfi?

Accepted Answer

Ef þú hefur lent í því óhappi að tölvan þín les ekki diskinn þinn er mikilvægt að slökkva strax á tölvunni eða á disknum sjálfum sé þetta utanáliggjandi diskur og taka hann úr sambandi. Ekki reyna neinar tilraunir eða niðurhala ókeypis hugbúnaði af netinu. Í flestum tilfellum er um vélbúnaðarbilun að ræða og þá gerir hugbúnaðarlausn ekkert gagn og getur hreinlega ollið því að skemmdirnar verði verri. Ef þú vilt hámarka líkurnar á árangursríkri og öruggri gagnabjörgun, komdu þá strax með harða diskinn eða tölvuna þína í heilu lagi til okkar þar sem fagmenn okkar hafa áratuga reynslu og þekkja alla mögulegar bilanir í SSD og hörðum diskum og vita hvernig er best að endurheimta gögnin á sem öruggastan hátt og lágmarka tjón þitt.

Question 6

Hvernig fæ ég gögnin mín afhent þegar vinnu við gagnabjörgun er lokið?

Accepted Answer

Eftir að vinnu við gagnabjörgun er lokið færðu sendan skráalista á .html sniði sem þú getur skoðað í hvaða vafra sem er. Hann sýnir öll þau gögn sem hægt var að bjarga og er sendur til að staðfesta að gagnabjörgun hafi tekist. Gögnin eru afhent ýmist á nýjum flökkurum sem þú getur valið að kaupa hjá okkur eða komið með þinn eiginn eða við sendum gögnin rafrænt ef um lítið gagnamagn er að ræða (undir 100GB).

Question 7

Hvað gerist ef gagnabjörgun tekst ekki?

Accepted Answer

Það getur komið fyrir að gagnabjörgun reynist ómöguleg. T.d. búið er að panta leshausa en þeir skemmast við að reynt sé að lesa með þeim vegna örfínna yfirborðs skemmda á hörðum diskum.  Okkur tekst að bjarga gögnum í yfir 92% tilfella af þeim málum sem við höfum fengið til okkar síðasta áratug og hafa verið samþykkt. Þannig miðað við þá tölfræði eru líkurnar góðar. Við komum hreint fram í byrjun og látum þig vita hvort í tilboðinu hvaða líkur við teljum á góðri endurheimt.  Ef þú hefur fengið tilboð í gagnabjörgun og verkefnið tekst ekki færðu 50-70% afslátt af vinnu við gagnabjörgun* eftir tegund búnaðar,  en greiðir einnig fyrir varahluti sem hafa verið keyptir.

Question 8

Getið þið bjargað gögnum af rakaskemmdum tækjum?

Accepted Answer

Við fáum mjög reglulega t.d. snjallsíma og fartölvur sem hafa lent í vökva eða raka. Mikilvægt er að þú reynir ekki að kveikja á tækinu eftir að tækið hefur lent í vökva eða raka, við það fer rafstraumur um tækið og getur leitt inn á staði þar sem hann veldur frekari skemmdum. Kostnaður er mjög mismunandi en þetta eru erfiðustu verkefnin sem við tökum að okkur og því má reikna með að lágmarki 10 vinnustundum í málið ef þetta er fartölva eða snjallsími. Einnig skiptir máli hvernig vökvi fór yfir búnaðinn. Við þurfum því að meta hvert og eitt mál og gefum fast verðtilboð eftir skoðun.

Question 9

Ég bý út á landi, er hægt að senda búnað með Pósti til ykkar í gagnabjörgun?

Accepted Answer

Við bjóðum öllum viðskiptavinum upp á að senda búnað til okkar frítt, þú einfaldlega stofnar þjónustubeiðni og velur „senda búnað með Póstinum" og á næstu síðu fyllir þú út heimilisfang þitt og færð til baka skráningarnúmer hjá Póstinum og strikamerki. Þú pakkar öllu vel inn og ferð svo með á næsta pósthús, skannar strikamerkið við færibandið og þá prentast úr merkimiði sem þú límir á pakkann.

Question 10

Eru gögnin mín örugg hjá Datatech?

Accepted Answer

Við vinnum eftir strangri öryggisstefnu sem er yfirfarin á hverju ári, og erum í ferli hjá við að fá ISO27001 öryggisvottun. Allir starfsmenn og samstarfsaðilar Datatech eru bundnir þagnarskyldu gagnvart þjónustukaupanda, og ber skylda til að gæta fyllsta trúnaðar varðandi gögn og málefni sem honum verður kunnugt um hjá þjónustukaupanda. Gildir þagnarskyldan bæði utan og innan fyrirtækisins og einnig þótt starfsmaður Datatech láti af störfum hjá fyrirtækinu. Datatech mun ekki undir neinum kringumstæðum afhenda þriðja aðila upplýsingar um viðskiptavini eða persónuleg gögn hans. Gagnageymslur Datatech eru ónettengdar og dulkóðaðar með strangri aðgangstýringu, aðeins sá tæknimaður sem er að vinna í málinu hefur aðgang að þeim og aðeins á meðan vinnu stendur. Gögnum er eytt varanlega sjö (7) dögum eftir að þau eru afhent þjónustukaupanda. Öll tilboð og samningar við þjónustukaupana eru trúnaðarmál milli Datatech og þjónustukaupanda.

Við björgum gögnunum þínum

Gagnabjörgum af öllum miðlum

Harðir diskar (HDD)

SSD diskar

RAID kerfi

Minniskort

Snjallsímar

USB lyklar

Hvernig gagnabjörgum virkar

Stofna þjónustubeiðni

Senda eða koma með búnað

Bilanagreining og tilboð

Staðfesta tilboð

Gagnabjörgum

Skráarlisti sendur

Afhending og lokun

Stofna þjónustubeiðni

Senda eða koma með búnað

Bilanagreining og tilboð

Staðfesta tilboð

Gagnabjörgum

Skráarlisti sendur

Afhending og lokun

Stofna þjónustubeiðni

Hvað segja viðskiptavinir okkar?

Spurt og svarað

Samstarfsaðilar

Nýjustu greinarnar

Misstir þú mikilvæg gögn?