Sérfræðingar í gagnabjörgun
Leiðarljós okkar er öryggi gagna viðskiptavina. Það tryggjum við með sérþekkingu, faglegum vinnubrögðum og góðri þjónustu.
Frá hugmynd að veruleika
Datatech var stofnað árið 2012. Stofnandinn vann þá við tölvuviðgerðir og þjónustu hjá stóru tæknifyrirtæki og sá að engin fagleg þjónusta var í boði á Íslandi fyrir flókna gagnabjörgun. Hann kynnti sér hvaða lausnir voru til, sótti sér sérhæfða menntun hjá ACE lab, sem er leiðandi í faginu á heimsvísu, og stofnaði síðan Datatech til að veita þessa sérhæfðu þjónustu á Íslandi.
Markmið Datatech er að vera leiðandi fyrirtæki á sviði gagnabjörgunar, gagnaafritunar og gagnaöryggis. Datatech leggur sig fram um að vera samherji sem þú getur treyst fyrir gögnum þínum og viðskiptum.
Einkunnarorð Datatech eru trúnaður, öryggi og fagmennska og þau gilda um alla starfsemi okkar.
Fyrirtækið hefur nú aðstoðað meira en 4.500 viðskiptavini, bæði einstaklinga og fyrirtæki, við að endurheimta mikilvæg gögn og hjálpað mörgum þeirra að verja gögnin til framtíðar svo þeir lendi ekki aftur í gagnatapi.
Andri Steinn Jóhannsson
Andri hefur starfað í upplýsingatækni allan sinn starfsferil, sem hófst hjá Opnum kerfum árið 2003. Síðar starfaði hann sem DevOps-sérfræðingur hjá greiðslumiðlunarfyrirtækinu Median og kerfisstjóri hjá Point Transaction Systems. Hann er einnig sérfræðingur í stafrænum rannsóknum (digital forensics) hjá ríkinu.
Hann er með MBA-gráðu frá UHI háskólanum og hefur lokið námi í kerfisstjórnun og stafrænum rannsóknum.
Gildar vottanir
Traust í hverju skrefi
Trúnaður
Allir starfsmenn Datatech eru bundnir þagnarskyldu gagnvart þjónustukaupanda og ber þeim skylda til að gæta fyllsta trúnaðar varðandi gögn og málefni sem þeim verður kunnugt um hjá þjónustukaupanda. Gildir þagnarskyldan bæði utan og innan fyrirtækisins og einnig þótt starfsmaður Datatech láti af störfum hjá fyrirtækinu.
Öryggi
Við fylgjum ISO 27001 staðlinum við meðhöndlun gagna og erum í vottunarferli hjá Vanta.com til að fá ISO 27001 vottun. Við geymum gögn viðskiptavina aðeins á meðan verið er að vinna með þau og þá alltaf á dulkóðuðum miðlum og með öruggri aðgangsstýringu.
Fagmennska
Við notum bestu lausnir sem fáanlegar eru og endurnýjum sérhæfðan tækjabúnað þegar nýjar útgáfur koma út. Við erum alltaf með nýjustu útgáfur hugbúnaðar og fylgjum stöðluðum verkferlum við meðhöndlun gagna, þannig að allir viðskiptavinir fá sömu meðferð og farið er eftir persónuverndarlögum.
Vottuð sérfræðiþekking
Við notum PC-3000 búnað frá ACE lab, sem er leiðandi fyrirtæki í gagnabjörgun á heimsvísu. Sérfræðingar okkar eru með gildar vottanir og meira en 22 ára starfsreynslu í faginu. Búnaðurinn þinn fær því bestu meðferð sem völ er á.


Hvað gerum við?
Við byrjuðum í gagnabjörgun en höfum stækkað verulega og bjóðum nú alhliða lausnir í gagnaöryggi.
Gagnabjörgun
Við endurheimtum gögn af hörðum diskum, SSD-diskum, RAID-kerfum, minniskortum, snjallsímum og USB-lyklum.
Skýjalausnir
Microsoft 365 áskriftir og skýjaþjónusta fyrir einstaklinga og fyrirtæki.
Gagnaafritun
Sjálfvirkar afritunarlausnir og speglun gagna til að vernda mikilvægar upplýsingar.
Gagnaöryggi
Veiruvarnir, DNS-varnir og lykilorðastjórnun (NordPass) fyrir fyrirtæki.
Af hverju velja okkur?
- Sérfræðingar okkar hafa starfað við gagnabjörgun í meira en 22 ár
- Við notum búnað frá ACE lab (PC-3000), leiðandi framleiðanda í gagnabjörgunartækni
- Við erum að vinna að ISO 27001 vottun í gagnaöryggi
- Gögnunum þínum er eytt 7 dögum eftir afhendingu og trúnaðarsamningar eru í boði
- Stærstu tæknifyrirtæki landsins treysta okkur fyrir gögnum viðskiptavina sinna
- Íslensk þjónusta á Íslandi: Suðurlandsbraut 54, Reykjavík
Hvað segja viðskiptavinir okkar?
Við erum stolt af þeirri þjónustu sem við veitum. Hér eru nokkrar umsagnir frá viðskiptavinum okkar.
Ég fékk mjög góða þjónustu. Móttaka verkefna er einföld og góð. Þjónustan er unnin hratt og örugglega. Í mínu tilfelli var um að ræða erfitt verkefni en ég fékk öll gögnin mín til baka.
Stutt og laggott.. Kom með ónýtan disk en eftir mikið puð hjá Datatech var hægt að bjarga öllu úr disknum og setja yfir í þennan 'itty bitty' disk frá þeim. Draumur og allir ánægðir að geta loks séð allt aftur.
Ég fékk fyrirmyndarþjónustu. Persónuleg tölvugögn mín voru illu heilli að mestu leyti vistuð á einum diski, sem varð allt í einu ólesanlegur. Eftir bilanagreiningu var mér bent á Datatech. Þar var gögnunum bjargað 100%. Öll samskipti voru eins og best verður á kosið.
Virkilega hröð og professional þjónusta. Bjargaði gögnunum mínum 100% og var alltaf til staðar að svara hvaða spurningum sem er. Mæli með.
Apple verkstæði gat ekkert gert fyrir mig og bentu mér á Datatech en lofuðu ekki árangri. Ég var ekki bjartsýnn en ákvað að prófa. Þetta tók tíma en tókst og það var staðið við kostnaðaráætlunina. Ég get þeim bestu mögulegu meðmæli.
Sendi diskinn minn til Datatech eftir að hann hætti skyndilega að virka. Fékk skráarlista til staðfestingar og öll gögnin mín voru björguð. Takk kærlega!














