Hugmyndin að fyrirtækinu kviknaði þegar stofnandi félagsins starfaði við viðgerðir og uppfærslur á tölvubúnaði hjá Opnum Kerfum. Algengt var að viðskiptavinir kæmu með bilaða harða diska sem ekki var hægt að ná gögnunum af með þeim verkfærum og aðferðum sem venjuleg tölvuverkstæði höfðu yfir að ráða og var yfirleitt var svarið til viðskiptavina að ekkert væri hægt að gera til að endurheimta gögnin, án þess að það hafi verið skoðað nánar.

Því hóf stofnandi félagsins að kynna sér hvaða lausnir væru í boði á markaðnum og eftir að hafa skoðað ýmsa mögulega var ákveðið að kaupa búnað frá Acelab. Lítið var til af upplýsingum um hvað væri best og þessi markaður er mjög lokaður og þeir sem höfðu þekkinguna vildu ekki deila henni nema fyrir stórar fjárhæðir. Andri sótti því námskeið hjá Acelab og komst þar í samband við aðila í Bretlandi sem höfðu verið í faginu í áratug og myndaðist þar gott samstarf. Þeir komu til Íslands og aðstoðuð hann við að hanna verkferla, og þjálfa betur í að leysa flókin gagnabjörgunarmál og kenndu honum allt sam þurfti.

Árið 2024 var bætt við gagnaafritun, skýjalausnum og netöryggislausnum við þjónustuframboðið þar sem gríðarleg þörf er á auknu gagnaöryggi hjá litlum og meðalstórum fyrirtækjum sem hafa verið stór hluti viðskiptavina Datatech síðastliðin áratug.

Tilgangur okkar og markmið er að vera leiðandi fyrirtæki í skýjalausnum og þjónustu á sviði gagnabjörgunar, gagnaafritunar og gagnaöryggis og að vera samherji sem þú getur treyst fyrir þínum gögnum og viðskiptum.

Við höfum einstaka sérþekkingu í gagnabjörgun af hörðum diskum, SSD drifum, RAID stæðum, minniskortum og snjallsímum.

Fyrirtækið var stofnað árið 2012 og höfum við unnið fyrir ýmsar ríkisstofnanir, fyrirtæki og einstaklinga. Við erum eina fyrirtækið á Íslandi sem sérhæfir sig í gagnabjörgun og notumst alltaf við viðurkenndar aðferðir og nýjustu tækni í gagnabjörgun.

Við leggjum áherslu á gott samstarf við öll helstu upplýsingatæknifyrirtæki á landinu. Við erum með vottun frá IPDRA, samtaka gagnabjörgunarfyrirtækja í heiminum og vinnum eftir þeirra stöðlum. Við sækjum einnig reglulega ráðstefnur og námskeið erlendis til að fylgjast með nýjungum á þessu sviði.

Okkar leiðarljós er öryggi gagna okkar viðskiptavina sem við sköpum með sérfræðiþekkingu, faglegum vinnubrögðum og framúrskarandi þjónustu.

Við leggjum mikla áherslu á gagnsæi og heiðarleika í okkar viðskiptum.

Við erum í vottunarferli í gegnum Vanta.com með markmið um að fá ISO27001 vottun. Við meðhöndlum því gögn viðskiptavina og upplýsingar samkvæmt ISO27001 reglugerðum.

Við leggjum mikla áherslu á trúnað og að gögn viðskiptavina sé alltaf örugg hjá okkur.

Starfsmenn Datatech eru bundnir trúnaðarskyldu í sínum störfum.

Eftir að gagnabjörgun er lokið geymum við gögn viðskiptavinar aðeins í 7 daga eftir að þau hafa verið afhent og þeim er eytt varanlega með öruggum hætti í framhaldinu.

Gögn sem við hýsum fyrir viðskiptavini í gagnaafritun eru dulkóðuð og starfsmenn geta því ekki séð gögn viðskiptavina, nema viðskiptavinur gefi sérstaka heimild til þess.

Við getum undirritað sérstaka trúnaðaryflirlýsingu (NDA) við viðskiptavin sé þess óskað ef um er að ræða viðkvæm gögn.

Kynntu þér Öryggisstefna Datatech