Gagnabjörgun af diskastæðum (RAID)
Við búum yfir sérhæfðum tækjabúnaði til þess að bjarga gögnum af RAID stæðum. RAID-gagnabjörgun er möguleg þegar disksneið (e. partition) á RAID-stæðunni kemur ekki fram í Windows eða í Disk Utility í macOS, og líka þegar tveir eða jafnvel fleiri diskar í stæðunni eru bilaðir.
Eina fyrirtækið á Íslandi sem sérhæfir sig í gagnabjörgun, starfandi síðan 2012.


Hvernig björgum við gögnum af RAID stæðum og NAS diskum?
Við tökum alla diskana úr RAID-stæðunni og skoðum hvern og einn með tilliti til vélrænna skemmda. Ef diskar eru skemmdir eru þeir lagfærðir eða klónaðir yfir á nýja diska.
Allir diskarnir eru síðan tengdir við sérhæfðan RAID-gagnabjörgunarbúnað þar sem stæðan er endurbyggð í sýndarumhverfi og gögnin svo flutt yfir á nýjan geymslumiðil.
Sérfræðingar okkar hafa meira en 22 ára starfsreynslu af flóknum gagnabjörgunarverkefnum. Datatech er eina fyrirtækið á Íslandi sem sérhæfir sig í gagnabjörgun og hefur starfað í faginu síðan 2012.
Fyrstu aðgerðir skipta öllu máli!
Ef þú nærð ekki sambandi við RAID-stæðuna og gögnin eru í hættu skaltu leita strax til fagaðila. Ekki láta venjulegt tölvuverkstæði reyna gagnabjörgun fyrst, því þar eru hvorki réttu tækin né þekkingin til að ná árangri.
Við höfum fengið mörg verkefni sem fóru fyrst á venjulegt tölvuverkstæði þar sem tilraunir gerðu illt verra og útilokuðu jafnvel gagnabjörgun.
- Ekki frumstilla (initialize) diskana í stýrikerfinu
- Ekki fara eftir ráðleggingum af YouTube
- Ekki nota ókeypis gagnabjörgunarhugbúnað
- Ekki fara með diskastæðuna á venjulegt tölvuverkstæði
- Slökktu strax á búnaðinum ef hann bilar
- Merktu diskana í réttri röð áður en þeir eru teknir úr
RAID gerðir sem við styðjum
Við björgum gögnum af öllum algengum RAID gerðum, þar á meðal:
Skráarkerfi
Framleiðendur sem við styðjum
Við björgum gögnum í þessum tilfellum:
- Fleiri en einn diskur bilaður samtímis
- RAID-uppsetningin eyðilögð
- Bilun í stýringu (controller)
- Gögnum eytt eða stæðan forsniðin óvart
- Vandamál í fastbúnaði (firmware)
- Endurbygging (rebuild) mistókst
- Vandamál með stripe eða parity
- Skemmdir á einstökum diskum
Algeng einkenni
- RAID-stæðan finnst ekki
- Stæðan keyrir í „degraded mode“
- Gögnin eru óaðgengileg
- Endurbygging mistekst (rebuild failure)
- Margir diskar bila í einu (multiple disk failure)
- Villa í stýringu (controller)
Fyrir fyrirtæki
Fyrirtæki nota oftast RAID-kerfi til að geyma mikilvæg gögn. Gagnatap og niðritími geta haft alvarlegar afleiðingar fyrir reksturinn. Við bjóðum neyðarþjónustu fyrir fyrirtæki sem þurfa skjóta aðstoð.
- Sérhæfður búnaður (PC-3000 RAID, DeepSpar)
- Trúnaður og gagnaöryggi. Við útbúum trúnaðarsamninga
- Fast verð eftir bilanagreiningu, enginn óvæntur kostnaður
- Neyðarþjónusta í boði, hraðari afgreiðsla ef nauðsyn krefur

Algengar spurningar um RAID gagnabjörgun
Svör við algengum spurningum um gagnabjörgun af RAID kerfum
Hvað tekur gagnabjörgun af RAID stæðum langan tíma?
Tíminn fer eftir flækjustigi og gagnamagni. Við gefum tímaáætlun eftir bilanagreiningu. RAID-kerfi geta tekið lengri tíma en stakir diskar vegna þess að vinna þarf með marga diska samtímis og endurbyggja stæðuna.
Hvað kostar gagnabjörgun af RAID stæðum?
Verð á gagnabjörgun fer eftir gagnamagni, gerð RAID-kerfisins, verði varahluta, því hvers konar bilun er um að ræða og hvaða aðferð þarf að beita. Við gefum fast verð eftir bilanagreiningu og enginn óvæntur kostnaður bætist við.
Hvernig fæ ég gögnin mín afhent?
Við afhendum gögnin á nýjum diskum sem hægt er að kaupa hjá okkur, á diskum sem viðskiptavinur leggur til eða rafrænt ef gagnamagnið er lítið (undir 100 GB). Við sendum einnig HTML-skrá með lista yfir öll gögn sem fundust.
Hvað segja viðskiptavinir okkar?
Við erum stolt af þjónustunni og árangrinum
Ég fékk mjög góða þjónustu. Móttaka verkefna er einföld og góð. Þjónustan er unnin hratt og örugglega. Í mínu tilfelli var um að ræða erfitt verkefni en ég fékk öll gögnin mín til baka.
Þorgeir Arnórsson
Apple verkstæði gat ekkert gert fyrir mig og bentu mér á Datatech en lofuðu ekki árangri. Ég var ekki bjartsýnn en ákvað að prófa. Þetta tók tíma en tókst og það var staðið við kostnaðaráætlunina. Ég get þeim bestu mögulegu meðmæli.
Gunnar Árnason, hljóðmaður
Stutt og laggott.. Kom með ónýtan disk en eftir mikið puð hjá Datatech var hægt að bjarga öllu úr disknum og setja yfir í þennan 'itty bitty' disk frá þeim. Draumur og allir ánægðir að geta loks séð allt aftur.
Leifur Reynir Björnsson
Aðrar gagnabjörgunarþjónustur
Við björgum einnig gögnum af öðrum gerðum geymslumiðla

Hvernig á að koma búnaðinum til okkar?
Stofnaðu þjónustubeiðni
Fylltu út eyðublaðið á vefnum okkar
Komdu með tækið til Pixla
Suðurlandsbraut 54, 108 Reykjavík
Fáðu bilanagreiningu og verðmat
Þú samþykkir eða hafnar tilboðinu
Móttaka hjá Pixlum
Suðurlandsbraut 54, 108 Reykjavík
Virka daga: 10:00–18:00
Laugardaga: 11:00–15:00
Einnig er hægt að senda búnaðinn í pósti. Hafðu samband til að fá leiðbeiningar.
Bilaði RAID stæðan þín?
Stofnaðu þjónustubeiðni og komdu búnaðinum til okkar, líka þótt þér hafi verið sagt annars staðar að ekkert sé hægt að gera. Við erum sérfræðingar í gagnabjörgun og notum sérhæfðan búnað frá ACE lab, DeepSpar og HddSurgery til að ná sem bestum árangri.











