Gagnabjörgun af fartölvum
Við björgum gögnum af öllum gerðum Mac , Windows og Linux — hvort sem fartölvan er með harðan disk eða SSD/NVMe disk innanborðs. Við opnum tölvuna, fjarlægjum diskinn ef við á eða lesum beint af innbyggðum geymslukubbum og afritum gögnin yfir á öruggan miðil.
Eina fyrirtækið á Íslandi sem sérhæfir sig í gagnabjörgun, starfandi síðan apríl 2012.
Samstarfsaðilar
Afhverju að velja sérfræðinga í gagnabjörgun?
Fartölvur eru flóknari en venjulegir borðtölvur þegar kemur að gagnabjörgun. Nýrri MacBook tölvur eru með SSD diska sem eru lóðaðir beint á móðurborðið, og bæði Windows fartölvur og Mac eru oftast með innbyggða dulkóðun (BitLocker, FileVault, T2 öryggiskubb). Þetta krefst sérhæfðs búnaðar og þekkingar.
Datatech er eina fyrirtækið á Íslandi sem sérhæfir sig í gagnabjörgun og hefur verið starfandi í faginu síðan í apríl 2012 og býr yfir sérhæfðum tæknibúnaði og þekkingu til að klára málin hérlendis.
Sérfræðingar okkar hafa yfir 22 ára starfsreynslu í úrlausn flókinna gagnabjörgunarverkefna. Þeir hafa hlotið þjálfun hjá alþjóðlegum leiðtogum í gagnabjörgun eins og Acelab og eru með virkar vottanir frá þeim.
Fyrstu aðgerðir skipta öllu máli
Mikilvægt er að þú vitir hvað þú ert að gera þegar kemur að gagnabjörgun af fartölvum og því mikilvægt að leita strax til fagaðila heldur en að leita til venjulegra tölvuverkstæða þar sem fyrstu aðgerðir skipta öllu máli og mikilvægt er að tæknimaðurinn viti nákvæmlega hvað hann er að gera.
Ef fartölvan hefur orðið fyrir NVMe (vatnsskemmd, dropp, eldur eða önnur ytri áföll) eða ræsist ekki, þá er öruggast að taka tölvuna úr sambandi við rafmagn — ekki reyna að kveikja á henni aftur og aftur. Því fyrr sem þú kemur henni til okkar því betri eru líkurnar.
- Ekki reyna að kveikja á fartölvunni aftur og aftur ef hún ræsist ekki
- Ekki setja blauta fartölvu í hrísgrjón — það stöðvar ekki tæringu
- Ekki taka diskinn úr fartölvunni og reyna lesa með annari tölvu
- Ekki nota ókeypis gagnabjörgunarhugbúnað
- Ekki endurræsa stýrikerfið eða „reset-a" fartölvuna
- Ekki fara með fartölvuna á venjulegt tölvuverkstæði
Við björgum gögnum af öllum gerðum fartölva
Við björgum gögnum úr
- Fartölvum sem ræsast ekki
- Vatns- og vökvaskemmdum fartölvum
- Fartölvum með dauðu móðurborði
- MacBook með T2/Apple Silicon kubbum
- Dulkóðuðum diskum (BitLocker, FileVault)
- Brotnum skjá eða lyklaborði (diskur óskemmdur)
Algeng einkenni
- Fartölvan ræsist ekki — engin mynd, engin LED
- Apple logo birtist en hleðst ekki upp
- Bláskjár (BSOD) eða stöðug endurræsing
- Hljóð í diski en stýrikerfi finnur hann ekki
- Skemmdar skrár eftir vökvaskemmd
- Fartölvu var stolið eða týnd — eingöngu diskur eftir
MacBook með innlóðuðum SSD eða T2/Apple Silicon kubb
Frá 2016 eru flestar MacBook tölvur með SSD geymslu sem er lóðuð beint á móðurborðið — ekki er hægt að fjarlægja diskinn og lesa hann í öðrum búnaði. Frá 2018 bætist T2 öryggiskubburinn við (og Apple Silicon frá 2020), sem dulkóðar öll gögn vélbúnaðarlega.
Þetta þýðir að gagnabjörgun af nýrri MacBook tölvum krefst sérhæfðra aðgerða: lesa beint af NAND kubbum á móðurborðinu og endurbyggja gögnin með aðstoð sérhæfðs hugbúnaðar. Við höfum búnað og þekkingu til að klára þessi verkefni hér á Íslandi.
Mikilvægt: Ef MacBook eða önnur fartölva með innlóðuðum SSD hefur orðið fyrir vökvaskemmd eða öðrum áföllum, ekki reyna að kveikja á henni endurtekið — það getur valdið frekari tæringu á móðurborðinu og eyðilagt gögnin varanlega. Taktu hana strax úr sambandi við rafmagn og komdu með hana til okkar.
Algengar spurningar um gagnabjörgun af fartölvum
Svör við algengum spurningum um gagnabjörgun af fartölvum og MacBook
Fartölvan mín ræsist ekki — er hægt að bjarga gögnunum?
Já, í flestum tilvikum. Þó að fartölvan ræsist ekki getur diskurinn sjálfur verið óskemmdur — orsökin er oft móðurborð, aflgjafi eða skjár. Við opnum fartölvuna, fjarlægjum diskinn og afritum gögnin yfir á öruggan miðil. Á nýrri MacBook tölvum með innlóðuðum SSD lesum við beint af NAND kubbum á móðurborðinu.
Er hægt að bjarga gögnum af vökvaskemmdri fartölvu?
Já, en því fyrr því betra. Vökvi veldur tæringu á íhlutum og sú tæring versnar með tíma og við endurtekna ræsingu. Taktu fartölvuna strax úr sambandi við rafmagn, ekki reyna að kveikja á henni aftur, og komdu með hana til okkar. Við höfum oft bjargað gögnum af fartölvum sem aðrir hafa sagt að ekkert sé hægt að gera við.
Hvað kostar gagnabjörgun af fartölvu?
Verðið fer eftir tegund fartölvu og því hvers konar bilun er um að ræða. Eldri fartölvur með skrúfuðum harða disk eru einfaldari en nýjar MacBook með innlóðuðum SSD. Eftir bilanagreiningu sendum við fast tilboð í gagnabjörgun á tölvupósti. Ef tilboði er hafnað er innheimt gjald fyrir vinnustundir við bilanagreiningu skv. gjaldskrá okkar.
Þarf ég lykilorðið mitt að fartölvunni?
Það er æskilegt en ekki alltaf nauðsynlegt. Á dulkóðuðum diskum (BitLocker, FileVault) þarf ýmist lykilorðið, endurheimtarlykilinn eða aðgang að Microsoft/Apple ID til að afkóða gögnin. Ef þú hefur ekki lykilinn getum við oft samt afritað dulkóðuðu blokkina af diskinum, en endanleg endurheimt veltur á því að lykillinn finnist.
Er fartölvan sjálf í lagi eftir gagnabjörgun?
Datatech sérhæfir sig í gagnabjörgun, ekki vélbúnaðarviðgerðum. Við skilum fartölvunni til baka eins og hún var þegar þú komst með hana, ásamt gögnunum á öruggum miðli. Ef þú þarft viðgerð á fartölvunni sjálfri — skjá, lyklaborði, móðurborði — mælum við með [Computer.is](https://computer.is) fyrir Windows tölvur og [applevidgerdir.is](https://applevidgerdir.is) fyrir Apple tækin.
Afhverju er gagnabjörgun af fartölvum kostnaðarsöm?
Gagnabjörgun af fartölvum krefst sérhæfðs vélbúnaðar — sérstaklega fyrir nýrri MacBook tölvur með T2/Apple Silicon kubbum og innlóðuðum SSD. Hver fartölvugerð hefur sína sérstöku uppsetningu og dulkóðun.
- Sérhæfður búnaður (PC-3000, DeepSpar, NAND lesari)
- Þekking á T2/Apple Silicon kubbum og innlóðuðum SSD
- Sérhæfður hugbúnaður frá Acelab ofl.
- Hvert verkefni krefst einstakrar nálgunar vegna fjölbreytni fartölvugerða
- Það þarf að sérmennta starfsfólk, sækja námskeið árlega hjá Acelab og öðrum framleiðendum
- Áskriftir að sérhæfðum hugbúnaði sem endurnýjast árlega
Hvað segja viðskiptavinir okkar?
Við erum stolt af framúrskarandi þjónustu og árangri
Ég fékk mjög góða þjónustu. Móttaka verkefna er einföld og góð. Þjónustan er unnin hratt og örugglega. Í mínu tilfelli var um að ræða erfitt verkefni en ég fékk öll gögnin mín til baka.
Þorgeir Arnórsson
Stutt og laggott.. Kom með ónýtan disk en eftir mikið puð hjá Datatech var hægt að bjarga öllu úr disknum og setja yfir í þennan 'itty bitty' disk frá þeim. Draumur og allir ánægðir að geta loks séð allt aftur.
Leifur Reynir Björnsson
Ég fékk fyrirmyndarþjónustu. Persónuleg tölvugögn mín voru illu heilli að mestu leyti vistuð á einum diski, sem varð allt í einu ólesanlegur. Eftir bilanagreiningu var mér bent á Datatech. Þar var gögnunum bjargað 100%. Öll samskipti voru eins og best verður á kosið.
Bjarni Frímann Karlsson
Virkilega hröð og professional þjónusta. Bjargaði gögnunum mínum 100% og var alltaf til staðar að svara hvaða spurningum sem er. Mæli með.
Helga Lilja Magnúsdóttir
Apple verkstæði gat ekkert gert fyrir mig og bentu mér á Datatech en lofuðu ekki árangri. Ég var ekki bjartsýnn en ákvað að prófa. Þetta tók tíma en tókst og það var staðið við kostnaðaráætlunina. Ég get þeim bestu mögulegu meðmæli.
Gunnar Árnason, Hljóðmaður
Aðrar gagnabjörgunarþjónustur
Við bjóðum einnig upp á gagnabjörgun af öðrum tegundum geymslumiðla
Hvernig á að koma fartölvunni til okkar?
Stofnaðu þjónustubeiðni
Fylltu út eyðublaðið á vefsíðunni okkar
Komdu með fartölvuna til Pixlar
Suðurlandsbraut 54, 108 Reykjavík
Fáðu bilanagreiningu og verðmat
Þú samþykkir eða hafnar tilboðinu
Pixlar – Móttökustaður
Suðurlandsbraut 54, 108 Reykjavík
Virka daga: 10:00 – 18:00
Laugardaga: 11:00 – 15:00
Einnig er hægt að senda fartölvuna í pósti frítt í gegnum þjónustubeiðnaformið okkar.
Tapaðir þú gögnum af fartölvunni þinni?
Stofnaðu þjónustubeiðni og komdu fartölvunni til okkar, þó þér hafi verið sagt annarstaðar að ekkert væri hægt að gera til að bjarga gögnunum þínum. Við erum sérfræðingar í gagnabjörgun og búum yfir sérþekkingu í faginu og notum sérhæfðan gagnabjörgunarbúnað frá Acelab, DeepSpar og HddSurgery til að tryggja hámarks árangur.