Spurt og svarað
Við byrjum alltaf á því bilanagreina búnaðinn og sendum svo nákvæma skýrslu með tölvupósti sem skýrir frá áætlaðri niðurstöðu, hvað við áætlum langan tíma í verkefnið og hversu stóru hlutfalli af gögnum við áætlum að hægt sé að bjarga, ásamt föstu verðtilboði í gagnabjörgun sem sýnir heildarkostnað við gagnabjörgun, sundurliðun á mögulegu varahlutaverði, verð á nýjum diskum undir gögn og hvort það sé farið fram á innborgun inn á málið. Þú svo annaðhvort samþykkir eða hafnar tilboðinu. Sé tilboði hafnað innheimtum við 12.900 kr greiningargjald fyrir hvern hlut sem komið er með í bilanagreiningu
Erfitt er að segja til um kostnað við gagnabjörgun fyrirfram. Til eru óendanlega margar gerðir af mismunandi gagnageymslum og þær mismunandi erfiðar viðureignar. Við byrjum alltaf á bilanagreiningu á búnaðinum, skoðum hvað þarf að gera og hvort við höfum fengið sambærileg mál til að geta áætlað tíma. Skoðum hvaða aðferð þarf að beita og hvort sé þörf á varahlutum, og ef svo er, þá hvað þeir kosta. Eftir þessa skoðun færðu senda skýrslu og fast tilboð í gagnabjörgun sem sýnir kostnað ef málið heppnast og einnig lágmarkskostnað ef t.d. ekki er hægt að bjarga gögnunum sem er mjög sjaldgæft eða í undir 10% tilfella.
Eftir að vinnu við gagnabjörgun er lokið færðu sendan skráa lista á .html sniði sem sýnir öll þau gögn sem hægt var að bjarga og hægt er að skoða í hvaða vafra sem er. Gögnin eru afhent ýmist á nýjum flökkurum sem þú getur valið að kaupa hjá okkur eða komið með þinn eiginn eða við sendum gögnin rafrænt ef um lítið gagnamagn er að ræða (undir 100GB).
Það er mjög misjafnt hvað vinna við gagnabjörgun tekur langan tíma og fer eftir hversu flókið málið er. Þegar við t.d. fáum harða diska sem eru með mjög slitið segulyfirborð þarf að lesa mjög varlega af þeim á mun hægari hraða en þeir eru upphaflega hannaðir fyrir. Þegar þú færð skýrsluna senda eftir bilanagreiningu kemur fram í henni tímaáætlun. Þá spilar einnig inn í hvort þurfi að kaupa varahluti erlendis frá og hvort þurfi að bíða lengi eftir þeim.
Gagnabjörgun af diskastæðum (RAID)
Við hjá Datatech búum yfir sérhæfðum tækjabúnaði til þess að bjarga gögnum af RAID stæðum. Hægt er að framkvæmda RAID gagnabjörgun þegar skráargeiri (e.partition) af RAID stæðunni kemur ekki fram í Windows eða Disk utility í MAC OS og einnig þegar t.d. tveir diskar eru bilaðir í RAID stæðu eða jafnvel fleiri. Einnig getum við endurbyggt hugbúnaðar RAID sem stýrt er í t.d. Windows.
RAID gagnabjörgun Datatech fer þannig fram að við fjarlægjum alla diska úr RAID stæðunni sem þarf að bjarga gögnum af. Því næst er hver og einn diskur skoðaður og fundið út hvort um eitthvað vélbúnaðarvandamál sé að ræða í hverjum disk fyrir sig. Ef svo er þá er gert við þann disk eða þá diska sem eru bilaðir. Stundum eru firmware, PCB skemmdir eða jafnvel leshausar, spindle motor eða preamp á leshaus inn í disknum bilaður. Þeir diskar sem hafa reynst bilaðir eru svo klónaðir á nýjan disk af sömu stærð. Því næst eru allir diskarnir tengdir við okkar sérhæfðu RAID gagnabjörgunartölvu og RAID stæðan endurbyggð í sýndarvél. Þegar því er lokið er loks hægt að afrita gögnin inn á nýja RAID stæðu eða aðra gagnageymslu sem viðskiptavinur óskar eftir að nota.
Hvað ber að varast? Ef þú lendir í því að RAID stæðan þín hættir að virka er mjög mikilvægt að eiga ekkert við diskana með neinum hugbúnaði eða reyna að endurbyggja sjálf(ur). Best er að koma með stæðuna strax til okkar og alls ekki taka diskana úr og tengja staka við tölvuna þína því bara með því að “initaliza” þá í stýrikerfið getur þú gert málið mun erfiðara og dýrara.
- RAID gagnabjörgun er ekki nauðsynleg fyrir RAID1 þar sem það er aðeins speglun á tveimur diskum og hægt er að beita hefðbundinni gagnabjörgun í svoleiðis málum á þann disk sem er líklegast með nýrra afriti.
- Hægt er að bjarga gögnum af RAID stæðum með hvaða skráarkerfi sem er (NTFS, FAT, exFat, HFS ofl.)
- Hægt er að bjarga gögnum af RAID stæðum með ATA(IDE) eða SATA (Serial ATA) diskum, hvort sem um er að ræða Stripe, JBOD, 1E Offset, 1E Adjacent, 4, 5, 5E, 5EE, 6, 6 Adaptec og hvaða útgáfu af RAID sem er (10, 50, 51, 60 o.s.frv.)
- Við gerum föst tilboð í öll RAID gagnabjörgunarmál og hefjum ekki vinnu fyrr en búið er að samþykkja kostnaðaráætlun.
Datatech er eina fyrirtækið á Íslandi sem sérhæfir sig í gagnabjörgun og hefur verið starfandi í faginu í yfir 12 ár og býr yfir sérhæfðum tæknibúnaði og þekkingu til að klára málin hérlendis.
Sérfræðingar okkar hafa yfir 20 ára starfsreynslu í úrlausn flókinna gagnabjörgunarverkefna. Veldu trausta aðila með þekkingu og raunverulega reynslu í faginu til þess að endurheimta gögnin þin. Fyrstu aðgerðir skipta öllu máli!
Ef þú hefur tapað dýrmætum gögnum er fyrsta skrefið að senda okkur þjónustubeiðni og velja svo með hvaða hætti þú vilt koma búnaðinum til okkar
Við bilanagreinum diskinn og sendum þér svo nákvæma skýrslu sem greinir frá áætluðum líkum á endurheimt gagna og tilboð í gagnabjörgun. Við notum gagnabjörgunarbúnað frá Acelab og Deepspar sem eru frumkvöðlar í gagnabjörgun í heiminum og leiðandi í þessum bransa.
Fyrst þú ert hér… Þá er líklegt að þú þurfir að kynna þér Gagnaafritun
Fyrstu aðgerðir skipta öllu máli!
Ef þú hefur lent í því óhappi að ná ekki sambandi við diskastæðuna þína er mikilvægt að slökkva strax á henni og taka hana úr sambandi, ekki taka diskana úr eða reyna neitt án þess að vita nákævmlega hvað þú ert að gera!
Ekki reyna að laga stæðuna eftir ráðleggingum frá You Tube eða reyna aðrar mýtur um gagnabjörgun. Ekki reyna ókeypis gagnabjörgunar hugbúnað sem þú finnur á internetinu. Varist að fara með diskastæður í gagnabjörgun á venjuleg tölvuverkstæði, þar er engin sérþekking í gagnabjörgun. Ef þú vilt hámarka líkurnar á árangursríkri og öruggri gagnabjörgun, komdu þá strax með diskastæðuna þína í heilu lagi til okkar þar sem fagmenn okkar hafa áratuga reynslu og þekkja alla mögulegar bilanir á hörðum diskum og RAID stæðum og vita nákvæmlega hvernig er best að endurheimta gögnin á sem öruggastan hátt og lágmarka tjón þitt.
Umsagnir viðskiptavina
Þorgeir Arnórsson
Leifur Reynir Björnsson
Bjarni Frímann Karlsson
Helga Lilja Magnúsdóttir
Gunnar Árnason
Starfsmenn
Sérfræðingar reiðubúnir til aðstoðar
Andri Steinn Jóhannsson
Hann hefur sótt nám í gagnabjörgun hjá Acelab í Tékklandi. Acelab eru fremstir í gagnabjörgun í heiminum. Hann hefur sótt námskeið í gagnabjörgun af Hörðum diskum, Sata SSD og NVMe diskum, Flash minni, RAID stæðum, Myndavélakortum ofl.
Einnig hefur hann lokið námi hjá Cellebrite í gagnabjörgun af snjalltækjum og stafrænum rannsóknum og er með eftirfarandi gildar Cellebrite vottanir:
CEPT, CCPA, CCO, CMFF.
Þar af auki hefur hann verið vottaður Microsoft sérfræðingur síðan árið 2004 og hefur yfirgripsmikla reynslu af Microsoft rekstri, skýjaþjónustum og öryggislausnum.
Tölvupóstur: andri@datatech.is